Uwi ka na OFW, Hanap ka na ni Inay...

anak saan ka pupunta?
bakit sa kapitbahay ka hahanap ng tadhana?
ako ay nag aalala baka ikaw ay mapariwara

inay inay, ako'y sawa na
sa hirap ng buhay sa payak na pagkain
ako ay hahayo kikita ng pera
ako ay babalik pag may dalang maraming pera

huwag na anak, dito ka na lamang
pagsilbihan mo na lamang ang ating tahanan
ika'y kanyang kinupkop mula nung ikay musmos pa lamang

ayaw ko sa ating tahanan inay
wala nang pag asa
ang pag asenso ay sadyang masalimuot
pupunta ako sa kapitbahay doon hahanap ng pag asa

anak anak, sige humayo ka
sana naman ay magtagumpay ka
ako ay maghihintay kahit nananaghoy
dito muna ako sa tahanang nalapastangan

anak anak bakit di ka na bumabalik
nagustuhan mo na ba ang masigabong buhay
narito lamang ako at naghihintay
ikaw na may katalinuhan, na maayos ang sariling tahanan

anak anak, sa kapitbahay ka na tumira
jan ka na pala nagsimula ng pamilya
datapwat nakalimutan mo na ang ating tahanan
ang kapitbahay na ang iyong pinagsisilbihan

anak anak umuwi ka na
dapithapon na...

galing kay linlazo ng BCO

©2010 Pinoy Expats/OFW Blog Awards